Isang Panawagan sa Bureau of Customs
Sa mga tauhan ng Bureau of Customs,
Maraming salamat po sa inyong lahat para sa pagkuha ng lahat ng mga iniimport na gadgets ng aking mga kuya sa Estados Unidos. Kahit papaano ay hindi ko nararanasan na may naluluma akong gamit. Maraming salamat at hindi ko naranasan na nagasgasan o nababasag ang screen ng gadget na maaaring pinangangalagaan ko. Habang nanonood ako kanina ng "Bawal ang Pasaway" ni Mareng Winnie, ay namulat ako sa katotohanan na hindi lang pala ako nag-iisa sa mga nanakawan ng gadget.
Napakaswerte niyo talaga dahil hindi kayo nadedeform at natutunaw sa dami ng radiation ng mga gadget na iniinspeksyon ninyo at nilalagay sa bulsa. Alam na alam naman namin lahat na ginagampanan ninyo ang trabaho ninyo.
Maiba naman ako ng pasasalamatan, maraming salamat din sa mga smuggled na sasakyan na nasa Cagayan, dahil naramdaman ko na mas malaki ang diskwento niyo kaysa sa summer sale ng SM Megamall.
May balak nga po pala ako ipa-ship na mga gamot na medyo may kamahalan mula sa Amazon. Ito po ay ipapadala sa akin ng aking kuya at umaasa pong makakarating ito sa loob ng isang buwan dahil tinitipid ko po ang aking sweldo dahil nagpapakain po ako ng tatlong anak. Sana po ay hindi na po ako makipag-bargain sa isang BOC official para i-haggle ang "charges" ng aking pinadala bukod sa import processing fee na aking binayaran. Pero maraming salamat pa rin po dahil alam ko namang trabaho lang naman talaga ang ginagampanan ninyo. At alam na alam ko naman po na pino-promote ninyo rin ang Nasyonalismo dahil sa ginagawa ninyo ay tatamarin na talaga kami magpadala ng mga mas murang mga gamit mula sa ibang bansa.
Maraming salamat talaga sa bukod tangi ninyong serbisyo sa mamamayang Pilipino.
Mula sa isang mamayang Pinoy,
Putangina ninyo Bureau of Customs.
No comments:
Post a Comment